Sastra Bangka

Kisah Menah kek Unen

(Sastra nona Van Bangka)

By: Yuliarni

Kisah due sekawan: Ade due urang dere, kebenya ne sama-sama bareu nek masok kuliah riken e, nama e Unen kek Menah. Waktu ya kebenya duduk-duduk beng tiras mesjid bareu udeh lah semayang Megrib.

Menah             : wew boy nakmana kita due ne..

(Yang unen sibuk ngesaic kasot e entah beng mana. Sambil nyarik ngumel2 lah Unen..)

Unen               : pupos umat beng ne ne, pekak men cek kasot kak ge lempos

  diambik e..

Menah             : uwew nya ne urang ngajek bekisah nya sibuk kek keben kasot.

Unen               : kan nakya e boy..pekak udeh kak ne kek pulek kumah kakei

  ayem...nya kasot ya kasot mak kak mulah udeh e..lah matei kek

  dikerunyam mak kamei dumeh lak..

Menah             : demene nya bende ya pok ngelek e tadi..

(yang Buter lah ngerengem nahan ketawa hal e nya yang munyik kasot unen..

Nengong geleget Buter, ade-ade lah asa Menah curiga.)

Menah             : oo ter, pok ne ok munyik kasot unen,,

Buter               : mana ade ..jen ambik asal tuduh ne pok..

Menah             : udeh ngapa pok sengak-sengem sutek pok lah

Buter               : mana kenek-kenek kak lah te udeh e men kak nek sengak-sengem

  sendirik, pupos...

Unen               : aok bener deng pok ne mulei ter, kak tadi nengong pok de

belekeng kak pas nek masok masjid tadi. yu kasot mak kak nya ya..

Buter               : aok lah e miak,,num nya kak gelek beng beweh papen.

(Udeh madeh ya langsung mengkicet Buter pulek..)

Unen               : wew sutek kaper umat ya..keben munyik kasot urang..awas bi nya

  ade penempoh e..

(Muka Unen lah kek ngerubut saking geremnya kek Buter)

Menah             : lah boy denglah jen de pretak igek, ngumong-ngumong dilek lok

  pulek, kita bekisah lok yang mese cita-cita kita ya boy.

(Riken yang unen narik napes lok lah nyamen inde e kena kasot mak e lah ketempoh.)

Unen               : aok boy, jedei nakmana cerita e yang kita ya

Menah             : nakne boy kita ken lah nek tamat sekulah SMA, jedei e men

urang tua ade ungkos e kirak e neklah kita nyambung yang mese  kuliah kata urang ya.

Unen               : neklah kak, api kak dek kawa asa e men de Bengkek ne, de luer bi

Menah             : oker sek men ade duit benyek kak men depet de luar Indonesia e

  boy.

(Yang gaya Menah sembil ngambik telkong e yang jetuh.)

Unen               : kita tengong dudei lah tapi boy, nakmana mak kak ya. Mak kak

  ya dek patei merik ulak men kak keluar. Sara ge jadei kak ne,

  men anek dere gek sikok kak lah...

Menah             : aok pok ya lah boy, sara ge jedei pok ne..men kak bec lah kamei

                          tige beredik mentinak ketak udeh e, men mak kak ya asak ngeruce

                          lah bunyi kek nguser anek e lah...

  hemm..men kak dudei men telaleu kuliah beng luar Bengkek kak

  nek maseng kawat gigie boy bier keliat gaul men.

Unen               : deng pok kawa igek maseng mese kawat gigie ya sara pok maken

kek tambeh tekuros beden pok. Udeh yang jiet nya ulak ketawa   men ade bende mese ya ya..

Menah             : aww dek cek hal e yang penting gaul.

Unen               : yok pok men dek pidu igek..yu kita pulek udeh e..lah lama ge

  beng ne di.

Lah lulos muah Menah kek Unen di........

Menah             : Assalamualaikum..Nen..oo Unen....

(Yang Unen tengah sara ge de wc neren birek.

Menah de luar agik tekaroh-karoh manggil Unen...)

Menah             : Unennn........

(Kebec ge ade mak Unen keluar.)

Mak unen        : lah apa Menah, Unen agik birek e de belekeng num.

Menah             : oh sesuai pon bik nya dekde aben nyaot..

Mak unen        : ntah men budak ya kek birek bateu udeh e darei tadi dek

  Keluar-keluar...yang amang e lah ngeruce nek ke wc lah.

(Dek lama udeh ya keluar Unen)

Unen               : wew nyamen asa e (ngerengem Unen)

Mak unen        : keluar ge rupa pok di ok miak..kak piker lah kek dek nyengol

                          agik pok darei wc..

Unen               : wew sek mak ne..kak ya sara birek e mak..

(Mak Unen lah lempos ke depuk..)

Menah             : boy..nakmana pok kuliah demene?kak diberik boy kuliah ke luar

  Bengkek. Api sejeuh-jeuh e Pelimbang bi kata mak kak. Api

  jedeilah

Unen               : kak ge ya lah sudeh lah ngumong kek mak, sebener e mak dek

  merik api kak rayurayu  ujung-ujung e meriklah.

Menah             : aok ge...wa sama pon kita.yu kita kuliah de tempet sama bi..

Lah ateng bener waktu e Unen kek Menah di ke Pelimbang..udeh yang budu e keseset ulak mese beng adep Pasar 16 beweh Ampera, mese bereu tige arey de Pelimbang iken e nek macel.

Gei ke pasar turon dek jeuh derei pos de beweh Ampera. Bejelen-bejelen ngesaic bejuk, ngesaic pamken...entah lah kek de saic ketak saking ingen e...pas nya bedirei beng kiun-kiun pasar 16, bingung ngesaic angkot nek pulek. Nek nanyak dek patei tau, ngucap bahasa pelimbang lom  tae, nek ngucap bhsa Indonesia lideh dek merik...

Menah             : lah matei men kita due ne Nen, kek de juel urang...

Unen               : pupos ngenakot ucap pok ne, yu e kita bejelen lok ngesaic e..

Menah             : nya kak ne lah leteh e nen, kemana kita di kak lah lupak jelen        

   pulek..

Unen               : nya kak ya aoklah e...api men asa2 kak e gei kiun kita di...

(Unen nunjuk ngarak-ngarak ke bundaran nampek Mesjid Agung...)

Menah             : suahlah pok Nen....yu pon kita kenum..

Lah lama ge unen kek menah bejelen aher e ketempoh nya kek bunderan...lah kek be udik ulak men urang due ya..

Menah             : wew sek nen bec tak aok aek ya..deng poto lok nen kita beng

     ne..cek kenang-kenangan jedei lah.

(yang Unen langsong nek nyebrang..api dektau nya bingung..)

Unen               : matei lah nakmana kita nek kiun nah, mubil mutor de jelen ne dek

  abis-abis.

Nya sangkak nak nyebrang beng kampong...mese nunggun mubil mutor liwat abis. Padehal ade jerembeh dek jeuh darei ya..

Rupa ge ntah nakmana kisah e setengong lah yang Menah di kek jerembeh ya..pinter nya sikit de ajek e Unen nyebrang...

Lah ateng beng aek mancor ya...ukeng...langsong nya ngeluar hape e.. gaya nya makai bebe...(BB).

Menah             : kak gek mulei pukok e Nen, pat men pok poto kak beng ne..

Kecerek kecerek ..kebenya due di bepoto-poto....

Lah ngarak ke peteng bereu nya umat due ya tekeneng kek pulek...

Lah penen ulak nya miker nyebrang. Paksa udeh ngenaic tangek ulak nek nunggun mubil angkot mirah nak kata Unen ge. Sukor lah nya ujung-ujung e umat due ya langsong ketempoh kek mubil mirah di, langsong lah nya pulek ke kos.

Besembung boy....